काठमाडौं । कमेडियन अपूर्व क्षितिज सिंहलाई कोरोना संक्रमण भएपछि प्रहरीले तारेखमा छोडिएको छ ।
कोरोना पुष्टि भएपछि उनलाई उपचार गर्न तारेखमा रिहा गरिएको छ । काठमाडौं जिल्ला सरकारी वकिलको कार्यालयका प्रमुख गंगा पौडेलका अनुसार पछि उपस्थित हुने गरी उपचार गर्न उनलाई रिहा गरिएको हो ।
प्रहरीको अनुसन्धान पनि नसकिएको उनले बताए।उनी अहिले वीर अस्पतालको कोभिड वार्डमा उपचाररत् छन्।
नेवाः समुदायको भावनामा आँच पुर्याएको अभियोगमा उनलाई प्रहरीले भदौ १२ गते पक्राउ गरेको थियो।