काठमाडौं। सत्ता गठबन्धनका शीर्ष नेताको बैठक आज पनि बिना निष्कर्ष सकिएको छ । शनिबार सांझ बसेको बैठकमा आगामी चुनावका लागि कुन दलले कति सिट लिने भन्ने विषयमा कुरा नमिलेपछी बैठक बिना निष्कर्ष सकिएको हो । अब आइतबार फेरि बैठक बस्नेछ । शीर्ष नेता सहित कार्यदल समेत बसेको आजको बैठकमा जसपा अध्यक्ष उपेन्द्र यादव उपस्थित थिएनन् । अरु दलका नेताले यादवलाई कुरिरहे पनि गएनन् । बैठकमा सहभागी एक नेताका अनुसार कुनैपनि दल आफ्नो अडानबाट टसमस भएनन । नेपाली कांग्रेसले १००,माओवादीले ६०, एकीकृत समाजवादीले ४०,जसपाले ३२ र जनमोर्चाले २ सिट दाबी गरेका छन । कार्यदलमा कुरा नमिलेपछि कार्यदलले प्रतिवेदन शीर्ष नेतालाई बुझाएको थियो ।