काठमाडौं । सुनसरीको इटहरी उपमहानगरपालिकाका पूर्वमेयर एमालेका नेता द्वारिकलाल चौधरी नेकपा माओवादी केन्द्रमा प्रवेश गरेका छन् ।
आइतबार बिहान चौधरीलाई माओवादी केन्द्रका अध्यक्ष प्रचण्डले खुमलटारमा पार्टीमा स्वागत गरे । चौधरीसँगै नेकपा एमालेका नेता–कार्यकर्ता पनि माओवादीमा प्रवेश गरेका छन। ।
२०७२ सालमा एमाले सुनसरी जिल्ला अध्यक्ष अध्यक्ष भएका उनी २०७४ को स्थानीय तह निर्वाचनमा इटहरी उपमहानगरपालिकाको मेयर निर्वाचित भएका थिए ।
त्यसअघि २०६४ को पहिलो संविधानसभा सदस्य निर्वाचनमा उनी एमालेको समानुपातिक उम्मेदवार समेत थिए ।
इटहरी १७ का चौधरी २०४१ सालदेखि अनेरास्ववियुमा संगठित भएर राजनीतिमा लागेका थिए ।