काठमाडौं । गायक प्रकाश सपुतमाथि रोमानियामा स्टेजमा गीत गाइरहेको अवस्थामा बियरको बोतल प्रहार भएको छ ।
स्टेजमा सपुतले 'बोल माया..' बोलको गीत गाइरहेको समयमा बोतल आक्रमण भएको हो । सामाजिक संजालमा सार्वजनिक भएको भिडियोमा दर्शक दिर्घाबाट प्रहार भएको बोतलले गायक सपुतको निधारमा लागेको छ ।
सांगीतिक कार्यक्रमका लागि रोमानिया गएका सपुतमाथि नेपाली समय अनुसार आइतबार १२ बजे राति उनीमाथि आक्रमण भएको हो । बोतल आक्रमणपछि झण्डै आधा घण्टा कार्यक्रम रोकिएको थियो ।
निधारमा लागेको चोटको सामान्य उपचारपछि गायक सपुतले आफ्नो प्रस्ततीलाई निरन्तरता दिएका थिए । सपुतलाई हमला गर्ने नियतले नभई रक्सीको तालमा प्रहार भएको आयोजकले जनाएको छ ।
भिडियाे
