काठमाडौं । भ्वाइस अफ नेपाल सिजन ५ को उपाधि बिनोद राईले जितेका छन् । शुक्रबार राती ललितपुरको गोदावरीस्थित सनराइज हलमा भएको ग्राण्ड फिनालेमा राईले अरु प्रतिस्पर्धीलाई पछि पार्दै उपाधि जिते ।
उपाधिका लागि चार फाइनलिस्टबीच कडा प्रतिस्पर्धा भएको थियो । दर्शकको सर्वाधिक भोटको आधारमा कोच मिलन नेवार समूहका बिनोदले उपाधि जितेका हुन् ।
जितसँगै उनले २० लाख नगदसहितका पुरस्कार प्राप्त गरे । मकरबहादुर योन्जन फस्ट रनरअप, कुमार प्रयास राई सेकेण्ड रनरअप र नोगेन लिम्बु थर्ड रनरअप घोषित भए ।
