काठमाडौं । नेकपा एमालेका नेता एवं साहित्यकार प्रदीप नेपाल अस्पताल भर्ना भएका छन् । स्वास्थ्यमा समस्या आएपछि नेपाललाई नर्भिक अस्पतालमा भर्ना गरिएको हो ।

शुक्रवार भक्तपुरमा आयोजित एक साहित्यिक कार्यक्रममा  सहभागी भएका बेला उनी अचानक बिरामी भएपछि अस्पताल लगिएकोहो । 

नर्भिक अस्पतालमा रहेका उनको  स्वास्थ्य सामान्य रहेको र चिकित्सकीय अब्जरभेसनमा राखिएको बताइएको छ । पूर्वमन्त्री नेपाल लामो समयदेखि पार्किन्सन रोगबाट पीडित छन् ।