काठमाडौं । सुदूरपश्चिमको मुख्यमन्त्री नेकपा एकीकृत समाजवादीलाई दिनेबारे सत्ता गठबन्धनमा छलफल भएको छ।
एकीकृत समाजवादी कांग्रेसको खेमामा उभिएपछि उसलाई फकाउन सत्ता गठबन्धनमा छलफल भएको हो । मंगलबार मध्याह्न विवाद सल्ट्याउन नेकपा(एमाले), माओवादी केन्द्र, एकीकृत समाजवादीका सांसद र नेताहरूसहित छलफल भएको छ ।
बैठकमा सुदूरपश्चिमको मुख्यमन्त्री एकीकृत समाजवादीलाई दिनेबारे छलफल भएको एक नेताले बताए।
समाजवादी संसदीय दलका नेता नाउपाका सांसद दीर्घ सोडारीले नाउपाको रेशम चौधरी पक्षका लक्ष्मणकिशोर चौधरीलाई दिएको समर्थन फिता लिने र अर्को प्रक्रिया शुरु गर्नेबारे कुराकानी भएको बताइएको छ ।
आज बिहान बालुवाटारमा प्रधानमन्त्री पुष्पकमल दाहाल ‘प्रचण्ड’, एकीकृत समाजवादीका सम्मानित नेता झलनाथ खनाल र नाउपा अध्यक्ष रञ्जिता श्रेष्ठबीच छलफल भएको थियो।
छलफलमा सुदूरपश्चिम प्रदेशको मुख्यमन्त्री एकीकृत समाजवादीलाई दिने सहमति भएको खनालले दाबी गरेका थिए। सुदूरपश्चिममा नाउपाका २ जनाको मुख्यमन्त्रीमा दाबी परेपछि नाउपा पनि सकसमा छ ।
