काठमाडौं । एसीसी प्रिमियर कपको उपाधि जित्न यूएईले आयोजक ओमानलाई २०५ रनको विशाल लक्ष्य दिएको छ ।
टस हारेर ओमानको निम्तोमा पहिले ब्याटिङ गरेको यूएईले आक्रामक ब्याटिङ गर्दै ४ विकेटको क्षतिमा २०४ रन बनायो । ओमानका लागि मोहम्मद वासिमले कप्तानी प्रदर्शन गरे । उनले शतक बनाए । ५५ बलको सामना गर्दै उनले सात छक्का र ६ चौकाको मद्दतले १०० रन बनाए । यस्तै आशिफ खानले १६ बलमा नटआउट ३८ रनको आक्रामक इनिङ खेले ।
उनले ५ चौका र २ छक्का हाने । अलिशान शराफुले ३४ र विष्णु सुकुमारनले १८ रन जोडे । ओमानका बिलाल खानले २ तथा जिसन मक्सुद र शकिल अहमदले समान १ विकेट लिए । उपाधि जित्ने टिमले आगामी एशिया कप खेल्न पाउनेछ ।
