काठमाडौं । दोस्रो संस्करणको टेलिभिजन रियालिटी शो ‘नेपहपको श्रीपेच २’ को अडिशन शुरु भएको छ । शुक्रबार काठमाडौंमा एक कार्यक्रमबीच यसबारेमा जानकारी गराइएको हो ।
पत्रकार सम्मेलनमा दोस्रो संस्करणका रूपमा दामी मिडियाले ल्याउने तयारी गरिरहेको जनाइएको छ । पहिलो सिजन भाईबर साइमनले उपाधि जितेका थिए । जेनिश क्षेत्री उपविजेता भएकी थिईन् । । विजेताले १० लाख पुरस्कार, विदेशमा प्रस्तुतिको अवसर पाउनेछन् ।
उपबिजेताले नगद पाँच लाख रुपैयाँका साथै विदेशमा प्रस्तुती अवसर पाउनेछ । डिजिटल तथा फिजिकल दुवै माध्यमबाट अडिसन लिइने बताइएको छ । ३२ एपिसोडसम्म प्रशारण गरिने नेपहपको श्रीपेच –२ को कन्सेप्ट तथा डिजाइन सुदीप पोखरेलले गर्नुभएको हो । यो रियालिटी शोका निर्देशक निकेस खड्का छन् । अघिल्लो संस्करणमा मानस घले, गिरिश खतिवडा र बालेन शाह निर्णायक रहेकोमा यो सिजनमा भने मानस घले, गिरिश खतिवडाको साथमा महेश तामाङ दोङ छन् ।
